مجله زهره الخليج : البوم ايهاب توفيق لازم تسمع جميل تغلب عليه الرومانسيه::

مجله زهره الخليج مع ان توجهاتها روتانيه بس مامنعش الناقد الصحفى المحترم فى مجله زهره الخليج

الدكتور جمال فياض انه يتكلم عن البوم الدكتور ايهاب توفيق واحب اسجل احترامى وتقديرى لهذا الصحفى المحترم
انا متابع كتاباته ونقده من فتره
هو بيكتب باب كامل اسمه صوت وصدى
كل اسبوع بيقدم البوم من الالبومات اللى بتنزل السوق ويحللها ويثنى على الحاجه الحلوه وينتقد الوحش بس نقد بناء مش هدام
الاسبوع اللى فات كان تامر حسنى هاعيش حياتى
واللى قبله عمرو دياب وياه
الاسبوع ده اتكلم عن البوم لازم تسمع للنجم الكبير ايهاب توفيق واول مره بجد السنادى اشوف ناقد صحفى يتكلم بكل حياديه وموضوعيه كده
الراجل اثنى على الحلو فى الالبوم
وانتقد اللى مش عاجبه من وجهه نظره
بس بعيده عن التجريح او استخدام الاساليب الرخيصه
انا لما قريت المقال ده مع انى بعشق ايهاب توفيق وماحبش ان اى حد يتكلم عليه ولا ينتقده فى اى حاجه
مع ذلك قريت النقد وماحسيتئش انه جرح ابدا ولا استخدم اساليب من اساليب صحافه اليومين دول بتاعه اللى يدفع اكتر يتكتب عنه حلو اكتر
المهم انا جبتكلم المقال بالصور
وهاتكلم عن بعض النقط فيه
واتمنى من الجميع يقول رايه فى المقال وفى نقد الدكتور جمال فياض لانه بجد نقد ممتع

ياريت الكل يقرا المقال ده بجد
ويحاول يجيب الاعداد السابقه ويدور على المقالات الخاصه بالبوم الفنان اللى هو بيحبه
بجد الراجل ده جامد جدا

هاتكلم عن بعض النقط اللى اتكلم فيها عن بعض روائع الالبوم

اولا عنوان المقال ::
ايهاب توفيق .. فى " لازم تسمع " رومانسى الحانه وتوزيعها اجمل من كلامه فيها

بجد عنوان يدل على ان الراجل بجد سمع الالبوم كتير
وعرف ايه مناطق القوه وايه مناطق الضعف فى الالبوم

اغنيه ماتخلقتش بكرهك ..
اغنيه سبق ان تناولها ايهاب توفيق وفيها نوع من العتب على الدنيا ومن
الاغانى اللى يحب ايهاب تناولها ويتقنها جيدا .. توزيع تبرز فيه الكمنجات
الحلوه وخلفياتهاالمتقنه اللتى لاتزعج . حكمه الكلام تجعلها اغنيه نرددها
وان كانت الفكره ليست جديده .

تصدق بايه ..
محمود هلال الشاعر واشرف سالم الملحن يجتمعان مع الموزع غاندى مع صوت
ايهاب توفيق وتكون اغنيه جميله ويتجلى صوت ايهاب فى الطبقات العليا من
ادائه وهو صوت سليم الاداء فيه خبره ورنين خاص جدا .. التوزيع الموسيقى
جيد هنا وهناك استعمال جميل للالات الموسيقيه . وضربات الايقاع المتميزه
للفنان احمد عيادى .

ست ستها ..
فكره العباره فكره كوميديه نسمعها عاده فى الافلام السينمائيه القديمه
ولكن الاغنيه حلوه . هنا يدخل الملحن اشرف سالم دائره الموهبه الموسيقيه
التى تستحق التقدير وهذه اغنيه جميله توزيعا وموسيقى وتناعم اشرف سالم مع
الموزع غاندى واضح وجمله الدندنه الصوتيه بصوت ايهاب جميله وهذه الاغنيه
اللتى ستحقق لايهاب خبطه الالبوم مبدئيا وقد تكون فى اغانى اخرى ولا يمكن
ان ننكر قدرات غاندى على تصوير الشكل الموسيقى فى هذه الاغنيه وهذه اغنيه
جميله لاخلاف على ذلك .

مجروح مجروح ..
من كلمات الشاعر ملاك عادل يغنى ايهاب توفيق موضوعا خاصا جدا وفكره على
وعلى اعدائى فكره متميزه جدا واسلوبك فى الجرح عاجبنى فكره طريفه جدا
ويمكن ان تفتح باب اعجاب بين النعجبين بشكل مختلف . الكلمات من النوع
اللذى يحبه ايهاب دائما واللحن جميل ويمكن ان تكون الاغنيه التى لايمكن
لاى مطرب غير ايهاب توفيق ان يغنيها واللافت للنظر التوزيع المتميز
للوتريات ( تامر غنيم ) اللذى بدا انه ينافس الموجى فى هذا المجال وهو
ينجح بوضوح ولا يمكن ان نغفل هنا ان غاندى يتقدم بلفت السمع الى توزيعه
الموسيقى الجميل كل هذا ياتى لان الملحن محمد عبدالمنعم وضع لحنا جميلا .

محدش يعرف ..
الملحن حمدى صديق له صولات ونجاحات سابقه لما نتفاجأ فى نجاحه فى هذه الاغنيه الجميله .
حيث استطاع الموزع الموسيقى توما ان يستفيد من اللحن الرائع ليلاعب
الايقاعات بشكل مسرحى جميل هذه الاغنيه مسرحيه بامتياز خاص وسيلعبها
الموسيقيون على المسرح بشكل متميز جدا . اما الكلام اللذى يصاحب الاغنيه
فهو ل " ناورا " اللذى اعتذر لانى لم اسمع هذا الاسم من قبل فى مجال كتابه
الاغانى لكن كما يبدو انه اسم جديد بدأ يدخل ساحه الشعراء الناجحين .

ياه ع البراءه ..
هانى عبداللطيف الشاعر اللذى وضع فكره شعريه جميله ومتميزه واشرف سالم
الملحن وسيرجيو الموزع ومعهم موزع الوتريات غندور حسين اجتمعوا معا لعمل
اغنيه رومانسيه جميله تداعب خيال المستمع وتستفيد من الطبقات العليا لصوت
ايهاب توفيق وهو بارع عند هذه المنطقه الاغنيه جميله وناعمه والكمنجات
فيها تسرح بخيال السامع اما الناى فواضح ويحتل مكانه الخاص لعازف الناى
الدكتور رضا بدير باعجاب خاص اما اداء ايهاب توفيق هنا فمتميز جدا وتتضح
خبره وجمال الصوت بشكل جميل جدا .

مافيش حد زيك ..
دخول بشكل الموال المودرن هكذا كما يبدو تصور الملحن محمد عبدالمنعم
للموال فى القرن الجديد . لكن الغناء يذهب فى الشكل المتوقع مع لعب جميل
للالات السحب الكمجات اللتى وزعها الموزع تامر غنيم بكل جمال وحياه وحيويه
لاتكرار فيها ولا تقليد الوتريات جميله جدا الاغنيه جميله جدا ولكن الكلام
مصاب ببعض الضعف من ملاك عادل وكان من الممكن ان نقرأ عبارات افضل وفيها
عمق عن ضلك منه .

لازم تسمع ..
اتكلم كتير هو عنها
بس انا هاخد الجزئيه دى

الاغنيه بخليطها الجميل تملأ الحياه صخبا وفرحا ورقصا واتخيل ايهاب يغنيها لجمهور مجنون بفنه وموسيقاه اغنيه مجنونه وحلوه
وعاب على الكلمات برضو .

اخيرا الاسطوره روح قلبى ..
الاغنيه الاخيره فى الالبوم واللتى كتبتها حمديه التيتى ونادرا مانسمع شعرا غنائيا لشاعره لكن الكلام جميل .
وادعوا المستمع الى التأمل فى الكلام الجميل واللحن اللذى وضعه حمدى صديق
فيه افكار متميزه وتترك للمطرب ان يتجلى بالاداء الناعم الصعب
الموزع حازم رافت يتميز هنا بالوضوح لكل الالاته الموسيقيه المستعمله وهو
بارع جدا فى وضع فكره الملحن كما يجب . التوزيع جميل كما اللحن اللذى لم
يبدو غريبا انه بتوقيع حمدى صديق . اغنيه سمعتها اكثر من مره واكتشفت فيها
الكثير من الجمال . هذه اغنيه تدخل القلب بلا تردد

:: الخلاصه ::

البوم ايهاب توفيق جميل وتغلب عليه الرومانسيه ولا يذهب بعيدا جدا فى مجال
تغريب الاغنيه المصريه وهيا مساله يستحق ايهاب عنها التنويه والاشاده .
فهو حافظ على التطور المطلوب ضمن اطار المعقول والممكن

وايضا يجب الاشاده بالمهندس ياسر انور على الهندسه الصوتيه وهو ابن الفنان
القدير عازف الرق الشهير حسن انور ومن لايذكره فى فرقه حليم وصولوهاته فى
اغنيه قارئه الفنجان . ياسر مهندس محترم وموهوب وكل النجوم يحبون التعامل
معه .....

النهايه

اتمنى التوبيك يعجب

» ايهاب توفيق يقتحم المركز التانى فى المبيعات بالبوم( لازم تسمع )
» Wink ايهاب توفيق والبوم لازم تسمع 2009 نسخة 320kbps +Cd Covers
» Wink ايهاب توفيق والبوم لازم تسمع 2009 نسخة 320kbps +Cd Covers
» اهداء ال اخي تلميذ الرومانسيه
» اجدد الاغاني الرومانسيه