المسلمة ليه محجبة

1 - علشان هي حرة … مش من حق حد يشوف منها اللي مش عاوزه حد يشوفه إلا بإرادتها… ومن حقها تختار مين اللي يشوف منها أجمل ما عندها .. واللي علشان يشوف ده ويبقى حقه وحلاله بلاله عن طيب خاطر.. لازم هو كمان يديها مشاعره واللي باقي من عمره عن طيب خاطر…
المسلمة ليه محجبة LIy15317

2 -علشان هي غالية .. مينفعش تقلل من قيمة نفسها وتخليها عرضة لكل العيون .. ويبقى خروجها مكشوفة ضوء أخضر لكل من هب ودب يسرق منها ولو نظرة لأي جزء مش متغطي منها .. حتى لو مكنش ده قصدها … بس مش هتقدر تمنعه … (كامل اعتذاري لغير المحجبات.. ولكن ده اللي هيحصل منك لضعيفي النفوس حتى لو مكنش ده قصدك.. وده اللي علشانه ربنا فرض الحجاب . علشان ميطمعش الذي في قلبه مرض) … مع الأخذ في الاعتبار انه “كل من هب ودب ده” مش بس الشباب اللي بيعاكس البنات في الشارع .. ده يتضمن اي حد في الشارع .. كل دول بقى من الممكن انهم يبصوا لها…
المسلمة ليه محجبة 0qD15317

3 -علشان هي بتحترم نفسها .. وشايفة نفسها كبيرة قدام نفسها .. ومينفعش تنزل سوق المنافسة في الأنوثة علشان تفوز في الآخر بنظرة شهوانية أو كلمة غزل رخيصة أو عرض صحوبية…
المسلمة ليه محجبة Ejk15575

4 -علشان هي جمالها مش خارجي وبس.. ومن حقها ان اللي ييجي يتجوزها .. واللي هاتديله الباقي من عمرها .. واللي هدتيله كل مشاعرها .. واللي هاتقاسمه أحلامها وأفكارها .. واللي هتخلف منه ولادها .. وهاتربيهم معاه .. مايختارهاش على مقاييس شكلية وبس .. أو تبقى هو ده العامل الأساسي في أختياره ليها … علشان كدة مش ضروري يشوفنها في كامل زينتها وجمالهاقبل ما ي! يتجوزها . . الأهم انه يحب روحها ويعجب بشخصيتها .. ويرتاح معاها نفسياً.. (أصل في بنات بتأجل الحجاب لحد ما تتجوز.. على أساسا انها تكون شنكلت واحد وضمنته.. مع إن مفيش حاجة مضمونة في الزمن ده .. واللي اختارها علشان جمالها .. ممكن قوي يتجوز عليها واحدة أجمل منها.. لأنه أكيد في الأجمل منها يعني)..
المسلمة ليه محجبة TiJ15575

5 -علشان هي بتخاف على أخوها في الله اللي بيشوفها في الشغل أو في الكلية أو في المواصلات أو في الشارع .. ويمكن يكون عاوز يقرب من ربنا .. وبيجاهد نفسه علشان يغض بصره.. فمترضاش لنفسها انها تكون سبب في انها تفتنه..

المسلمة ليه محجبة CsZ15952

7 - ده غير حاجة مهمة كمان … الكفن بتاع النساء.. فيه حجاب.. فاللي مش حتلبسه وهي حية بإرادتها طاعة الله.. هتلبسه كدة كدة وهي رايحة قبرها.. وطالما ربنا بيقول ان النساء تستر حتى وهما رايحين قبورهم وخلاص انتهى التكليف … ومحدش هيشوفهم تاني ولا حد هيطمع فيهم .. يبقى مفيش معنى انها تمشي مكشوفه لكل العيون وهى حية ترزق.. يبقى الأولى تطيع ربنا بإرادتها وتقابله وهو راضي عنها واخده أجرها كامل.. ولاّ انها متلبسوش غير وهي جثة وتقابل ربنا وهو غضبان عليها؟

والأسباب اللي فوق دي .. هي اللي فهمتني ليه ربنا فرض عليها الحجاب.. مش تعسير ولا تضييق .. الحجاب فعلا عزة وكرامة.. ميعرفهاش غير اللي داق طعم الستر..

ربنا يهدينا ويهدي نساء المسلمين
المسلمة ليه محجبة JkM15952

سندريلا
مشكورة على موضوعك الرائع
جزاكى الله خيرا

مشكور علي موضوعك هذا ونحنو في انتظار المزيد
تقبل مروي