ادعي عليك بعثرة فـي صلاتـــــــي......لا ردج الله لا ولا اطلب ترديــن
يا قاتلتني يوم صرتي حياتــــــــي......عثره تشلك ما بعدها تقوميـن
وريضان وغصونا بها يانعاتـــــــي......خدان لك بالقلب كانت بساتين
واليوم عينك يعلها ما تباتـــــــــي....كنتي مناة القلب والروح والعين
قلتي الغدر بالحب ماهي بسواتــي...كنت أحسبك للعهد والحب توفين
وانك ملاك دون كل البناتـــــــــي.......وحلفتي يمين الله ما منك اثنتين
ولا تسمعين أهل الحسد والوشاتـي....وانك على عهد المودة تسيرين
ورماح غدرك بالخفا مشرعاتـــي.......وصار اليمين ستار خلفه توارين
الله عسى يسقيك سم الفعاتــــي......وبان الغدر سم جرى بالشرايين
تقولين حلم ايام واليوم فاتــــــي........كلي سقيتك حب واليوم تنسيـن
لين عصفت بالهوى عاصفاتـــي ......خذتي الهوى لعبه على ما تحبين
من صورك بابياته الطايلاتـــي ............من زينك يا بنت بالشعر تزيين
قلت الخجل صاب البدر من مناتـي ......انا من غرامي قلت كانك تذكرين
تقولين انا شمس العصر في حلاتي.......وصرتي بشعري في العذاري تباهين.
ما زانتك صبغات حمر الشفاتــــي ..........زينتك بشعري ولا غربك الزين
واثرك هضاب وشوك ما به هداتـي.......صورتك بالشعر حزام ورياحين
فزت لك الصحراء زهور ونباتـــي.........رسمتك سحابه خير قطر تنفين
واثرك قطيعه وضيعتها الرعاتـي.............رسمتك مهاه للجميله تقودين
كنت احسب اني شايف لي قطاتي......واثرك غراب يوم سدل الجناحين
واثرك دنيه وتعشقين الدناتـــي...........بالشعر غليتك على كل غاليين
انا من يسوم الروح لك يا غناتـي.........وبالشعر عاتبتك عتاب المحبين
عامين لكن في حسابي مئاتــي.......توسلت لك خايف على حب عامين
عمري وروحي فكري في ثباتي ...........ناديت لكن لي ابد ما تسمعين
عديمات اصل اخلاقهن دانياتي ............حذراك للشينات عمري تماشين
يا خس واليهن وخس الولاتي ................غاب الولي عنهن ولعبن بحبلين
وقلوبهن من حقدهن مظلماتي...........ما همهن في الناس زين ولا شين
ما غيرن بالطباعهن من سماتي..............وقلتي وربك لو يكونا ملايين
كيف الصعود يكون للهاوياتي .................تحسبين انك بالمهافه ترقين
ما عاد يفرق بين ماضي واتي............وخنتي وبعتي كل عهد وايامين
يا مرخصتني ما بقى لك غلاتي.........وصرتي مثل غيرك برخص تبيعين
مظلوم انا وباكر تحل ادعواتي .............صبري نفذ واليوم ثارت براكين
سمعي دعا من صار قلبه حصاتي........سمعي عسى من بعدها ما تسمعين
وتطحن بك الايام طحن الرحاتي ......ادعي عسى من ناضرك ما تشوفين
عوق تشافق له قلوب العداتي..............وعساك عوق منه ما عاد تبرين
تبين الممات ولا يجيك المماتي...........ويالله عسى يحتار فيك المداوين
تندمين يوم انه يفوت الفواتي..............ويالله عسى كف الندامه تعضين
وتحتار امك عن عناك وتحاتي.............وتبكين دم يسيل من مقلة العين
وان حصل ادعي عساك الشتاتي .....عسى ما تلاقي من له القلب تهدين
ساهي وحوله شب جمر الغضاتي..........يا بلوة اللي وسط بيته تعيشين
وتمضي حياتك بين هم وشقاتي ..............عسى بعمرك ساعه ما تهنين
قلبا عطاك الحب ما قال هاتي .................يا بنت قلبي وين مثله تلاقين
وفي التاليه رمح الخيانه جزاتي ............جيتك وروحي شلتها لك بكفين
كله انكشف لا ما تفيد العباتي................يالله عساك النار يا أم وجهين
وتكونين مدعاة الحكي والشماتي.....ويالله عسى تلبسك جن وشياطين
باكر تحن ايامك المعتمـــــــاتي.........يا حية رقطا تقود الثعابيـــــــــــن
ظلم المشاعر ما تحكمه قضاتي..............وباكر على فعلك بمثله تجازين
وانا شاهدي قلبا من الغدر ماتي ............بيني وبينك تحكم ايام وسنين
العيون رغم ادموعها كاذباتي.................ويا دمعة التمساح لالا تذرفين
وغدرك تعدى غدر ذيب الفلاتي.............لا ما عرفتي الحب لا ما تحسين
وانتي غدرتي خافقي في سباتي........الذيب يعوي قبل يغدر بمسكين
لكان رجح كل غــــــــــدر البناتي......لو كان غدرك في كفوف الموازين
جرحين غدر الغرام وموجع الذكرياتي.......انتي السبب سقتي على القلب
وان جاك باكر شوفي اشلون يأتي.......وانتي السبب واليوم لالا تلومين
وارقص واغني يوم خبر الوفاتي.........والله لاكتب وافضحك في دواوين
وقصة خيانه ما روتها الرواتي............وارسم لاهل العشق قلبا وسهمين
واشهرك من قاصي اليمن للفراتي........ويمين لانشر فوق اسمك عناوين
ديوان غـدر فيه كل اللغـــــــاتي .....ومن غرب هالدنيا الى قاصي الصين
والا فذي لا عادتي ولا صفاتي.............والبادي اظلم سنة العين بالعين
اعوذ بالرحمن منك بصـــــــلاتي.............ويا شبه انسانه برأس ورجلين
المرجوا منك أن تعرّف بنفسك و تدخل المنتدى معنا. 
موضوع: اصعب شي هوا ان الحبيب يخدعك بحبه ليك 
السبت 20 سبتمبر 2008, 2:38 am
